სახელმწიფო აუდიტის სამსახურში წინასაარჩევნო პერიოდში დროებითი კომისია შეიქმნება, რომელიც წინასაარჩევნო კამპანიის გამჭირვალობაზე მონიტორინგს განახორციელებს.
მთავარი აუდიტორის მოვალეობის შემსრულებლმა, ნინო ლომჯარიამ დღეს შეხვედრა გამართა 12 არასამთავრობო ორგანიზაციასთან. კომისიის შემადგენლობაში სწორედ მესამე სექტორის წარმომადგენლები შევლენ.
"იმის გამო, რომ წინასაარჩევნო პერიოდში რეზონანსული საკითხი პარტიების დაფინანსებაა, უკვე მესამე არჩევნებია, არასამთავრობო ორგანიზაციები ჩართული არიან ამ პროცესში. კომისიის შექმნის მთავარი მიზანია, აუდიტის სამსახურმა სადამკვირვებლო ორგანიზაციებს დროულად მიაწოდოს ინფორმაცია პარტიების დაფინანსებასა და სავარაუდო დარღვევებზე, რადგან დროულად მოხდეს ამ ფაქტის შესწავლა და შემდგომში რეაგირება",-აღნიშნა ნინო ლომჯარიამ.