ამერიკული სამხედრო ტექნიკის ბოლო კოლონები დასავლეთ საქართველოდან თბილისისკენ მოემართებიან. სპეციალურად მრავალეროვნული სწავლება "ღირსეული პარტნიორი 2017"-სთვის ამერიკული ჯავშანტრანსპორტიორები "სტრაიკერები" ოთხ ქალაქში გაჩერდა. სამხედრო მოსამსახურეები მოქალაქეებს გაესაუბრნენ და ტექნიკა დაათვალიერებინეს.

ფოთის პორტში შემოსული ამერიკული სამხედრო ტექნიკის ნაწილი თბილისში 28 ივლისს შემოვიდა. 
მრავალეროვნული სწავლება "ღირსეული პარტნიორი" საქართველოში მესამედ ტარდება და ყველაზე ფართომასშტაბიანი წვრთნებია, რომელიც ამ დრომდე, ჩვენს ქვეყანაში ჩატარებულა. სწავლებაში ნატო-ს წევრი და პარტნიორი 8 ქვეყნის 2800-ზე მეტი სამხედრო მოსამსახურე მონაწილეობს.