საქართველოს ნაკრები დღეს ლიტვაში გაემგზავრება, სადაც 4 და 5 აგვისტოს ამხანაგურ მატჩებს გამართავს.

4 აგვისტოს ილიას ზუროსის გუნდი ლატვიას შეხვდება, ხოლო 5-ში ლიტვას, ან პოლონეთს.

პოლონეთი და ლიტვა საქართველო-ლატვიის პარალელურად ითამაშებენ და გამარჯვებულები ერთმანეთს ფინალში შეხვდებიან, ხოლო წაგებულები მესამე ადგილისთვის იბრძოლებენ.

გუშინ საქართველოს ეროვნულმა ნაკრებმა ავსტრიაში, ადგილობრივ ეროვნულ გუნდთან ამხანაგური მატჩი გამართა და 10 ქულის სხვაობით - 77:87 დამარცხდა.