დონალდ ტრამპმა ჩრდილოეთ კორეის მიერ ბალისტიკური რაკეტის გაშვების გამო, ჩინეთი გააკრიტიკა.

„იმედგაცრუებული ვარ. ჩვენი ქვეყნის წინა სულელმა ლიდერებმა ჩინეთს ვაჭრობის ხარჯზე მილიონობით დოლარი აშოვნინეს. ამ დროს, ჩინეთი ჩრდილოეთ კორეასთან დაკავშირებით არაფერს აკეთებს, - წერს აშშ-ის პრეზიდენტი „ტვიტერის“ გვერდზე.

მისივე თქმით, აშშ-ის ხელისუფლება აღარ დაუშვებს, რომ ეს ასე გაგრძელდეს.

შეგახსენებთ, რომ ორი დღის წინ ფხენიანმა კიდევ ერთი კონტინენტთაშორისი ბალისტიკური რაკეტა გამოსცადა. საპასუხოდ, კორეის ნახევარკუნძულის თავზე ამერიკული ბომბდამშენები გამოჩნდნენ. მათ თან სამხრეთ კორეისა და იაპონიის მოიერიშეებიც ახლდნენ.