„სამმა რესპუბლიკელმა და 48 დემოკრატმა სენატორმა ამერიკელ ხალხს იმედი გაუცრუა“ - ამის შესახებ ამერიკის შეერთებული შტატების პრეზიდენტმა დონალდ ტრამპმა მის მიერ ინიცირებული ჯანდაცვის კანონპროექტის ჩავარდნის შემდეგ სოციალურ ქსელში განაცხადა.
51 ხმა 49-ის წინააღმდეგ - სენატში კენჭისყრისას ხმები ასე გადანაწილდა. კანონპროექტი, რომელსაც ობამაქეარის სახელწოდებით ცნობილი ჯანდაცვის პროგრამა უნდა ჩაენაცვლებინა, დაბალი წლიური შემოსავლის მქონე მოქალაქეებისთვის სახელმწიფო დაზღვევის გაუქმებას ითვალისწინებს, რის შედეგადაც 23 მილიონი ადამიანი ამერიკაში ჯანდაცვის დაზღვევის პოლისის გარეშე დარჩება. რესპუბლიკელმა სენატორებმა - ჯონ მაკკეინმა (არიზონას შტატის სენატორი), სიუზან კოლინსმა (მეინის შტატის სენატორი) და ლიზა მურკოვსკიმ (ალასკას შტატის სენატორი) ხმა კანონპროექტის წინააღმდეგ მისცეს.