“სინანულს გამოვთქვამთ კონსესუსის ნაკლებობის გამო” - საკონსტიტუციო რეფორმის ირგვლივ არსებულ აზრთა სხვადასხვაობას ფედერიკა მოგერინი ეხმაურება.
ევროკომისარის თქმით, ის ინფორმირებულია იმის შესახებ, რომ კონსტიტუციის ახალი რედაქცია ოპოზიციისა და სამოქალაქო სექტორის წინააღმდეგობის პარალელურად შემუშავდა.
ევროკომისიის ვიცე-პრეზიდენტი იწონებს მმართველი გუნდის თანამშრომლობას ვენეციის კომისიასთან, თუმცა აღნიშნავს, რომ უმრავლესობის მიერ შემუშავებული კანონპროექტი მნიშვნელოვან ცვლილებებს შეიცავს, განსაკუთრებულ აქცენტს მოგერინი საპარლამენტო არჩევნების პროპორციულ სისტემაზე აკეთებს.
კონსესუსის აუცილებლობაზე საუბრობს ვენეციის კომისიის პრეზიდენტი. ჯანი ბუკიკიო აღნიშნავს, რომ საქართველოს ვერ ექნება დემოკრატიული და ლეგიტიმური კონსტიტუცია, რომელსაც მხოლოდ ერთი მხარე ეთანხმება. მისივე განმარტებით, ვენეციის კომისია მიესალმება უმრავლესობის სურვილს, გადავიდეს პროპორციულ საარჩევნო სისტემაზე, თუმცა გაკვირვებას იწვევს ვადების საკითხი.