ისრაელის ხელისუფლების მიერ ალ აქსას მეჩეთთან მეტალის დეტექტორების დემონტაჟის მიუხედავად, პალესტინელები საპროტესტო გამოსვლებს არ შეწყვეტენ, - ეს განცხადება პალესტინის ავტონომიის წარმომადგენლებმა გააკეთეს.
პალესტინური მხარე ისრაელის ხელისუფლებას მოუწოდებს, ალ აქსას მეჩეთთან უსაფრთხოების დასაცავად მიღებული ზომები გაუქმდეს და 14 ივლისამდე არსებული სტატუს-კვო აღდგეს.
შეგახსნებთ, რომ ისრაელის ხელისუფლებამ დღეს ალ აქსას მეჩეთთან მეტალის დეტექტორების დემონტაჟი დაიწყო. ხელისუფლება ამბობს, რომ მათ უახლესი ტექნოლოგიის ვიდეოკამერები შეცვლის, რომლებსაც სახის იდენტიფიცირება შეუძლია.
მეტალოდეტექტორების დამონტაჟების შემდეგ, პალესტინამ ისრაელი იერუსალიმის წმინდა ადგილის საკუთარ კონტროლქვეშ აყვანის მცდელობაში დაადანაშაულა.
14 ივლისს, აღნიშნულ ტერიტორიაზე სამმა შეიარაღებულმა პალესტინელმა ცეცხლი გახსნა, რის შედეგადაც ორი სამართალდამცველი დაიღუპა.