რა მასშტაბის დარღვევები ფიქსირდება ვიზალიბერალიზაციის ამოქმედებიდან დღემდე. შინაგან საქმეთა სამინისტრო მონაცემებს სწავლობს.

უვიზოდ მოგზაურების ნაწილს, ევროპაში ყოფნის 90 დღე ამოეწურა, თუმცა ჯერ სახელმწიფო საზღვარზე არ გამოჩენილან. საუბარია 3 000 პირზე.

მიუხედავად ამისა, შესაძლოა, ეს არ იყოს ყველა შემთხვევაში კანონდარღვევა და ნაწილი შენგენის ზონიდან იმ ქვეყნებში გადავიდა, სადაც საქართველო ასევე უვიზო მიმოსვლით სარგებლობს.

ვიზალიბერალიზაციის ამოქმედებიდან შენგენის ზონაში ჩვენი ქვეყნიდან 55 ათასი მოქალაქე გაემგზავრა. კანონდამრღვევთა ოფიციალური მონაცემების გამოქვეყნებამდე მათი იდენტიფიცირება მიმდინარეობს.

დაზუსტებულ ცნობებს შინაგან საქმეთა სამინისტრო უახლოეს პერიოდში გამოაქვეყნებს.

გურამ როგავა თემის დეტალებით.