ივლისი 24, 2017
სოფელ ვეჯინში გურჯაანის რაიონის გამგებლის წარმომადგენელი ცეცხლსასროლი იარაღით დაჭრეს.
როგორც ცნობილია, კუკური ჯამატაშვილს სანადირო თოფიდან ესროლეს.
შინაგან საქმეთა სამინისტროში საზოგადოებრივს განუცხადეს, რომ მამაკაცს ჭრილობა ფეხის არეში აქვს მიყენებული, მისი ჯანმრთელობის მდგომარეობა სტაბილურია.
უწყების ინფორმაციით, სამართალდამცველებმა ცხელ კვალზე ერთი პირი დააკავეს. სანადირო თოფი ნივთმტკიცებად ამოღებულია.
ფაქტზე გამოძიება სისხლის სამართლის კოდქსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.
მაჩვენე მეტი