ქართულ სუნელზე არანაირი შეზღუდვა არ მოქმედებს, - ამის შესახებ სოფლის მეურნეობის მინისტრმა ლევან დავითაშვილმა განაცხადა.

მისი თქმით, ტყვიის შემცველობა ქართულ სუნელში დასაშვებ ნორმაზეა და მისი ექსპორტი შეუფერხებლად ხორციელდება, მათ შორის აშშ-ში.

''ქართული სუნელი გადის ექსპორტზე 30-ზე მეტ ქვეყანაში, მათ შორის ევროკავშირის ქვეყნებში, სადაც საკმაოდ მკაცრი მოთხოვნებია. არანაირი შეზღუდვა არ არის აშშ-ში. ქართული სუნელი ამერიკის არცერთ ფედერალურ უწყებას არ აუკრძალავს. ცალკეული ფაქტები საჭიროებს დამატებით შესწავალას და ჩვენ საჭირო ინფორმაციას ვიღებთ დიპლომატიური არხებით'',- განაცხადა დავითაშვილმა.

ამ დროისთვის სურსათის ეროვნული სააგენტო დამატებით ლაბორატორიული კვლევის შედეგად, 75 ნიმუშიდან დარღვევა ტყვიის შემცველობაზე აღმოჩნდა 4 შემთხვევაში. დამატებით მიმდინარეობს კვლევა ქვეყნის მასშტაბით 50 ნიმუშზე.