უნგრეთის პრემიერ-მინისტრმა ანტისემიტიზმი დაგმო. განცხადება ვიქტორ ორბანმა ისრაელის პრემიერ-მინისტრთან გამართული შეხვედრის შემდეგ გააკეთა.
მისი თქმით, უნგრეთის მთვარობა იცავს ყველა მოქალაქის უფლებას მათი აღმსარებლობისა და ეთნიკური წარმომავლობის მიუხედავად. ბუდაპეშტში ნეთანიაჰუსთან გამართულ მოლაპარაკებებზე უნგრეთის პრემიერმა მეორე მსოფლიო ომის დროს უნგრეთის ხელისუფლების თანამშრომლობას ნაცისტებთან „მძიმე ცოდვა“ უწოდა.
აღსანიშნავია, რომ ორბანმა ჰოლოკოსტის შესახებ ასეთი მკაცრი განცხადება პირველად გააკეთა.
ისრაელის პრემიერ-მინისტრი ბენიემინ ნეთანიაჰუ უნგრეთს 1989 წლის შემდეგ პირველად სტუმრობს. ვიზიტის მთავარი მიზანი ევროკავშირსა და გაერო-ში უფრო ფართო მხარდაჭერის მოპოვებაა.
19 ივლისს ნეთანიაჰუ „ვიშეგრადის ჯგუფის“ სახელით ცნობილი ქვეყნების სამიტს დაესწრება, სადაც პოლონეთის, ჩეხეთისა და სლოვაკეთის ლიდერებს შეხვდება.