უკრაინისთვის მიხეილ სააკაშვილის ექსტრადირების მოთხოვნით საქართველოს არ მიუმართავს,-ამის შესახებ უკრაინის პრეზიდენტმა, პეტრო პოროშენკომ ჟურნალისტებს განუცხადა.
მისი თქმით, რადგან მსგავსი მოთხოვნა არ ყოფილა, შესაბამისად ექსტრადირების საკითხს უკრაინა არ გინიხილავს.
ჟურნალისტების შეკითხვას, რას მოიმოქმედებს უკრაინა სააკაშვილის ექსტრადირების მოთხოვნის შემთხვევაში, პოროშენკო პასუხობს, რომ ეს არის საქართველოს ხელისუფლების პასუხისმგებლობა და ექსტრადირების მოთხოვნის მიღებამდე ამ თემაზე არაფერი აქვს სათქმელი.
"ჩვენ არ გვაქვს რაიმე პოლიტიკური, ეკონომიკური, ჰუმანიტარული, სოციალური პრობლემები საქართველოს სახელმწიფოსთან ურთიერთობებში. ჩვენ სტრატეგიული პარტნიორები ვართ, უკრაინელი და ქართველი ხალხი ძალიან გაერთიანებულია, მე აბსოლუტურად დარწმუნებული ვარ, რომ ვერავინ დაყოფს ჩვენს ერებს",- განაცხადა პეტრო პოროშენკომ საქართველოს ერთიანობისთვის დაღუპულ გმირთა მემორიალთან, სადაც მან მემორიალი გვირგვინით შეამკო.