ყველამ, ვისზეც გარკვეული ზეწოლა ხორციელდება, როგორც საქართველოს, ისე ევროკავშირის წევრმა ქვეყნებმა, უარი უნდა თქვან მსგავს შემხვევებში ხალხის თურქეთში ექსტრადირებაზე, - ამის შესახებ ევროპარლამენტარმა დღეს გამართულ პრესკონფერენციაზე მუსტაფა ემრე ჩაბუქთან დაკავშირებით განაცხადა.
მისი თქმით, მუსტაფა ემრე ჩაბუქმა და მისმა ოჯახმა საქართველოში ან ევროპაში აუცილებლად უნდა მიიღონ პოლიტიკური თავშესაფარი.
„არავინ არ უნდა იდევნებოდეს იმის გამო, რომ მათი აზრით, გიულენის სახელთან დაკავშირებულ სკოლაში ასწავლის. არ არის დანაშაული იყო პედაგოგი საქართველოში. ახლა ვცდილობ დავარწმუნო როგორც საქართველოს, ისე ევროპული ქვეყნების მთავრობები, რომ იყვნენ კანონის უზენაესობის მხარს და არ განახორციელონ პედაგოგების ექსტრადირება თურქეთში მხოლოდ იმიტომ, რომ მასწავლებელია გიულენთან დაკავშირებულ სკოლაში. როგორც საქართველოს, ისე ევროკავშირის წევრმა ქვეყნებმა, ყველამ ვისზეც გარკვეული ზეწოლა ხორციელდება, უარი უნდა თქვან მსგავს შემთხვევებში ხალხის თურქეთში ექსტრადირებაზე. ბატონმა ჩაბუქმა და მისმა ოჯახმა საქართველოში ან ევროპაში აუცილებლად უნდა მიიღონ პოლიტიკური თავშესაფარი“, - განაცხადა რებეკა ჰარმსმა.