ტელეკომპანია იმედის გასხვისების ეპიზოდზე კიდევ ერთი მოწმე დაკითხეს.

შ.პ.ს ეროვნული რეესტრის წარმომადგენელი ამბობს, რომ 2008 წელს ბადრი პატარკაციშვილის ნდობით აღჭურვილი პირისგან - გიორგი ჯაოშვილისგან ტელევიზიის წილები ჯოზეფ ქეიზე უკანონოდ გადაფორმდა.

მერაბ აბრამიშვილის ჩვენების მიხედვით, პროცესში სახელმწიფო უწყებებიც იყვნენ ჩართულნი.

გახმაურებულ ეპიზოდში ყოფილი მაღალჩინოსნები არიან ბრალდებულები. საქმის ფიგურანტთა ადვოკატი პროკურატურის მტკიცებულებებს უნდობლობას უცხადებს.