რთული ვითარებაა სამეგრელოში. სტიქიას მარტვილის რაიონში 65 წლის მამამკაცის სიცოცოცხლე იმსხვერპლა.

ის მდინარეზე საქონლის გადაყვანას ცდილობდა, რა დროსაც ადიდებულმა მდინარემ გაიტაცა. სახანძრო-სამაშველო ჯგუფმა მამაკაცის ცხედარი მალევე იპოვა.

ძლიერმა წვიმებმა პრობლემები შექმნა ხობისა და, ზუგდიდის რაიონებში.. ადიდებულმა მდინარეებმა და ღელეებმა სოფელ ცაცხვში, ხეთასა და ჭალადიდში საცხოვრებელი სახლების პირველი სართულები, ეზოები და სავარგულები დატბორა, დაზიანებულია საგზაო ინფრასტრუქტურა. პრობლემები შეექმნა ზუგდიდი-თბილისის სამგზავრო მატარებელსაც, რომელიც რამდენიმე საათი გაჩერებული იყო.

კალაპოტიდან გადმოსულმა წყალმა თბილისი-ზუგდიდის ცენტრალური გზა რამდენიმე ადგილზე ნაშალი მასალით, ქვებითა და ხეებით ჩახერგა, რის გამოც ცენტრალურ მაგისტრალზე მოძრაობა შეფერხებული იყო.

სტიქიის ზონაში სამაშველო ჯგუფები საგანგებო რეჟიმში მუშაობენ. ჩახერგილი გზების გაწმენდის სამუშაოებში მძიმე ტექნიკით ჩაერთო კერძო სექტორიც.

სამეგრეო-ზემო სვანეთის გუბერნატორის ადმინისტრაციაში შექმნილია საგანგებო შტაბი. სტიქიისგან მიყენებულ ზარალს მუნიციპალიტეტებში დღეიდან სპეციალური კომისია შეისწავლის.