. მაიკ პენსის ვიზიტი საქართველოში იმის დადასტურებაა, რომ ამერიკის შეერთებული შტატების პრეზიდენტის ახალ ადმინისტრაციასთან პარტნიორული ურთიერთობა აქტიურად ფაზაშია.
. სოფელ ბერშუეტში საოკუპაციო ხაზის გადმოწევის საკითხი განხილვის ერთ-ერთი მთავარი თემა იქნება პრაღაში, ზურაბ აბაშიძის და გრიგორი კარასინის შეხვედრაზე.
. დღეს სამხრეთ ოსეთის დე ფაქტო პრეზიდენტი აფხაზეთში ჩადის. ანატოლი ბიბილოვი ოკუპირებული აფხაზეთის ე.წ. ხელისუფლების წარმომადგენლებთან შეხვედრებს გეგმავს.
. მმართველ გუნდში მცოცავი ანექსიის საკითხის უშიშროების საბჭოს ფორმატში განხილვის საჭიროებას ამ ეტაპზე ვერ ხედავენ.
. არასამთავრობო ორგანიზაციები რუსეთის მცოცავ ოკუპაციას აპროტესტებენ და საკითხთან დაკავშირებით დღეს უშიშროების საბჭოს მდივანთან შეხვედრას გეგმავენ.
. ალეკო ელისაშვილი თბილისის მერობისთვის იბრძოლებს.
. გოგოხიების ოჯახი 14 დღეა 38 წლის მანუჩარ გოგოხიას უშედეგოდ ეძებს.
. დღეს გახდება ცნობილი, მიანიჭებენ თუ არა დემირელის კოლეჯის მენეჯერს მუსტაფა ემრე ჩაბუქის ლტოლვილის სტატუსს.
. დღეს განახლდება საკონსტიტუციო სასამართლოში ე.წ. მოსმენების შესახებ კანონთან დაკავშირებულ სარჩელებზე განმწესრიგებელი სხდომა. პლენუმი, მოწმის სახით, პერსონალურ მონაცემთა დაცვის ინსპექტორს მოუსმენს.
. დღეს განახლდება ე.წ ციანიდის განხლვაც.
. თბილისის საჯარო ბაგა-ბაღებში დღეიდან რეგისტრაცია დაიწყება.
. გერმანიის ქალაქ ჰამბურგში დღეს “დიდი ოცეულის” რიგით 12-ე სამიტი იწყება.
. 76 სამართალდამცველი დაშავდა ჰამბურგში “დიდი ოცეულის” სამიტის წინააღმდეგ მიმდინარე აქციაზე.
. მექსიკის ერთ-ერთ სასჯელაღსრულების დაწესებულებაში ორ კრიმინალურ დაჯგუფებას შორის მომხდარ დაპირისპირებას, სულ მცირე 28 პატიმრის სიცოცხლე ემსხვერპლა.
. ევროკავშირმა დიდი ბრიტანეთისთვის კარი ღია უნდა დატოვოს, იმ შემთხვევაში თუ ქვეყანა გაერთიანების დატოვების გადაწყვეტილებას შეცვლის.
. არასამთავრობო ორგანიზაციის „მარტოხელა დედათა და ბავშვთა დაცვის ასოციაციის - მომავლის მზე” პრეზენტაცია გაიმართა კულტურულ ცენტრ „მუზაში".
. დღეს საღამოს 9 საათზე, ლაგოდეხში ბლუზის ფესტივალზე მაყურებლის წინაშე გამორჩეული ხმის ტემბრის მქონე ამერიკელი ბლუზის ვარსკვლავი შანა ვოთერსტოუნი წარდგება.
. ხმლით ფარიკაობაში მსოფლიო ჩემპიონი ნინა თიბილაშვილი ვარშავიდან საქართველოში დაბრუნდა. ეტლით მოფარიკავე სპორტსმენმა 23-წლამდელ პარამოფარიკავეთა შორის, ფინალში ფრანგი მეტოქე 15:8 დაამარცხა და ოქროს მედალი მოიპოვა.
. საკონსულტაციო სფეროში მოღვაწე ორგანიზაციებისთვის 10-დან 14 ივლისის ჩათვლით ავსტრიელი კონსულტანტი, კომპანია „სი ფი ემ ქონსალთინგის" მმართველი ტრენინგებს ჩაატარებს.