თურქეთში მოკლულ გივი მაჩაიძეს საქართველოში დღეს გადმოასვენებენ, ახლობლები უკვე სარფის საბაჟოზე იმყოფებიან. ისინი მკვლელის ვინაობის დასახელებას მოითხოვენ და უკმაყოფილებას გამოთქვმენ საგარეო საქმეთა სამინისტროს მიმართ. მათი განცხადებით უწყებამ მკვლელობის შესახებ ინფორმაცია მათ ოთხი დღის დაგვიანებით აცნობა.
როგორც საგარეო საქმეთა სამინისტროში განმარტავენ სტამბოლის პოლიციის განყოფილებიდან შეტყობინება მკვლელობის შესახებ 29 ივნისს შევიდა. შემთხვევა 28 ივნისს მოხდა. ურთიერთშელაპარაკების ნიადაგზე ცივი იარაღით საქართველოს მოქალაქე გივი მაჩაიძე დაჭრეს, რომელიც საავადმყოფოში მიყვანამდე გარდაიცვალა. მკვლელობაში ეჭვმიტანილი მოქალაქე დაკავებულია და გადაყვანილია სასჯელაღსრულების დაწესებულებაში. საქმესთან დაკავშირებით მიმდინარეობს გამოძიება.