შეერთებული შტატები მზად არის დაიცვას ქვეყანა და მოკავშირეები ფხენიანის მხრიდან მომდინარე საფრთხისგან, - ამის შესახებ პენტაგონის წარმომადგენელმა დანი უაითმა განაცხადა.

მსოფლიო ლიდერებისა და საერთაშორისო ორგანიზაციების მხრიდან მკაცრი განცხადებები ჩრდილოეთ კორეის მიერ სამშაბათს მორიგი ბალისტიკური რაკეტის გაშვებას მოყვა.

პარალელურად კი, კორეის ნახევარკუნძულის აღმოსავლეთ სანაპიროზე შეერთებული შტატებისა და სამხრეთ კორეის ერთობლივი წვრთნები განხორციელდა.

სწავლების დროს განხორციელდა სარაკეტო გაშვება ხმელეთის ტიპის სისტემებიდან.