ახალი გარემოებები გახდა ცნობილი კიდევ ერთ გახმაურებულ სასამართლო პროცესზე. ტელეკომპანია ,„იმედის“ და 7 ნოემბრის საქმეზე ის ნოტარიუსი დაკითხეს, რომელმაც 9 წლის წინ ბადრი პატარკაციშვილის გარდაცვალებიდან მალევე ტელევიზიის 70%-იანი წილი პატარკაციშვილის ნდობით აღჭურვილი პირისგან ჯოზეფ ქეიზე გადაფორმება დაამოწმა.

მოწმის ჩვენების მიხედვით, ხელშეკრულება ხარვეზებს შეიცავდა, რომელთა გასწორება გახდა საჭირო.

როგორც ნოტარიუსი ჰყვება, მარჯანიშვილის 19 ნომერში მდებარე ოფისთან მიმდინარე რამდენიმესაათიან პროცესს სამხედრო პოლიციის თანამშრომლები აკონტროლებდნენ.

ჩვენების მოსმენის შემდეგ ბრალდებული ექსმაღალჩინოსნების ადვოკატები ჯოზეფ ქეის ბრალეულობაზე ალაპარაკდნენ.