პირველ რიგში მსურს მწუხარება გამოვხატო ამ ფაქტის მიმართ.
ძალიან ძნელია დაუსაბუთებლად ვისაუბრო მიზეზებზე, თუმცა დამდგარი შედეგიდან გამომდინარე შემიძლია დაზუსტებით ვთქვა, რომ ქალაქს კიდევ ერთი პრობლემა დაემატა.
ცხადია, ბევრ კითხვის ნიშანს აჩენს უკანასკნელ წლებში, პრაქტიკულად გაუგებარ ვითარებაში გადამწვარი ბაზრობების საქმე, თუმცა მსურს ვიხილო ობიექტური გამოძიების და ექსპერტიზის დასკვნა, რომელსაც ჩემთან ერთად ნდობას გამოუცხადებს ფართო საზოგადოება, პირველ რიგში კი თავად დაზარალებული პირები.
იმედი მაქვს, ფართო საზოგადოებრივი ინტერესებიდან გამომდინარე, ხელისუფლება და შესაბამისი ორგანოები უზრუნველყოფენ ხანძრის გამომწვევი მიზეზების შესახებ უტყუარი ცნობების გავრცელებას და თუ ამ ყველაფრის უკან ნამდვილად დგას კრიმინალური ჯგუფი, ისინი სათანადოდ იქნებიან დასჯილი.
მოვუწოდებ ხელისუფლებას, გაკეთდეს ყველაფერი, რათა არც ერთ ჩვენს თანამოქალაქეს არ ჰქონდეს დაუცველობის განცდა და ყველა შეკითხვას გაეცეს კომპეტენტური პასუხი.
#ირაკლიღლონტი #პოლიტიკა