გაერო-ში აშშ-ის ელჩი უშიშროების საბჭოს ირანთან მიმართებაში უმოქმედობაში ადანაშაულებს. ნიკი ჰეილის განცხადებით, ოფიციალურმა თეირანმა უკვე არაერთხელ გამიზნულად დაარღვია საბჭოს მიერ დაწესებული სანქციები.
“ჩვენ უნდა ვაჩვენოთ ირანს, რომ მათი მხრიდან რეზოლუციების დარღვევებს არ შევეგუებით” – აღნიშნა გაეროში აშშ-ის ელჩმა. გაერო-ს მიერ ირანის წინააღმდეგ დაწესებული სანქციების დიდი ნაწილი 18 თვის წინ მოიხსნა, თუმცა შეზღუდვები კვლავ რჩება შეიარაღების მიმართულებით, რაც ბირთვული შეთანხმების ტექნიკური ნაწილი არ ყოფილა.
გაერო-ს უშიშროების საბჭოზე დარჩენილი სანქციების განხორციელების საკითხებზეც იმსჯელეს. უშიშროების საბჭოს პოლიტიკურ საკითხთა ხელმძვანელის თქმით, 2016 წელს ინდოეთის ოკეანეში საფრანგეთის სამხედრო-საზღვაო ძალების მიერ შეპყრობილი შეიარაღება ირანში შეძენილი და ირანული წარმოშობის იყო. გაერო-ს უშიშროების საბჭოზე 29 იანვარს ირანის მიერ ბალისტიკური რაკეტის გაშვებაზეც ისაუბრეს.