ბაღდათის მუნიციპალიტეტში, საქართველოს სოფლის მეურნეობის მინისტრმა თანამედროვე სტანდარტებით აღჭურვილი ხილის გადამამუშავებელი საწარმო, შ.პ.ს აგროლეინი დაათვალიერა და კომპანიის კუთვნილ 6 ჰექტარზე გაშენებული მოცვის ბაღში მოსავლის კრეფის პროცესს დაესწრო.

კომპანიაში ლურჯი მოცვის და ჟოლოს გადამუშავება ხდება. კომპანია წლიურად 12 ტონა გაყინულ ჟოლოს და 56 ტონა გაყინული მოცვს აწარმოებს.

პროდუქცია იყიდება როგორც ადგილობრივ ბაზარზე, ასევე გადის ექსპორტზე. საწარმო, სადაც 30 ადამიანია დასაქმებულია 2016 წელს აშენდა. კომპანია სასოფლო-სამეურნეო პროდუქციის გადამამუშავებელი და შემნახველი საწარმოების თანადაფინანსების პროგრამის ბენეფიციარია.