ქალ მოჭადრაკეთა ნაკრები, რომელმაც რუსეთის ქალაქ ხატიმანსკში ქალთა ჭადრაკში მსოფლიო გუნდურ ჩემპიონატში ბრინჯაოს მედალი მოიპოვა, სამშობლოში დანრუნდა. შეჯიბრებაში მსოფლიოს ქალთა 10 საუკეთესო გუნდი მონაწილეობდა.
პირველი ადგილი რუსეთის, ხოლო მეორე ადგილი ჩინეთმა დაიკავა. როგორც საქართველოს მოჭადრაკეთა გუნდის წევრმა ნანა ძაგნიძემ საზოგადოებრივს განუცხადა, იმის გათვალისწინებით, რომ მსოფლიოს საუკეთესო გუნდებთან მოუწიათ შეჯიბრება, მათთვის მესამე ადგილი ძალიან დიდი წარმატებაა.
,,ერთ-ერთი ყველაზე პრესტიჟული შეჯიბრებაა იყო ქალთა ჭადრაკში, ჩვენ როგორც მსოფლიო ჩემპიონი გუნდი ისე ჩავედით, რადგან ორი წლის წინ გავხდით მსოფლიო ჩემპიონები და რა თქმა უნდა ეს შეჯიბრება ჩვენთვის დამატებითი პასუხისმგებლობა იყო. ტურნირი თავიდან ცოტა მძიმედ დავიწყეთ, თუმცა შემდეგ 4 მატჩი მოვიგეთ, შესაბამისად მესამე საპრიზო ადგილი ავიღეთ”- განაცხადა ძაგნიძემ საზოგადოებრივთან საუბრისას