დემირელის სახელობის სკოლის პედაგოგები სახელმწიფოს მუსტაფა ემრე ჩაბუქის დაცვისკენ მოუწოდებენ და საექსტრადიციო პროცედურების შეწყვეტას მოითხოვენ.

სკოლის მენეჯერი, რომელიც თურქეთის თხოვნით ქართველმა სამართალდამცავებმა დააკავეს, უკვე ერთი თვეა პატიმრობაში იმყოფება. ანკარა მას ტერორიზმთან კავშირს ედავება. ამ ეტაპზე მისი ექსტრადიციის საკითხის განხილვა შეჩერებულია.

დაკავებულის ოჯახმა ლტოლვილთა და განსახლების სამინისტროს თავშესაფრის თხოვნით უკვე მიმართა. დაკავებულთან ერთად, უწყება მისი მეუღლის საკითხსაც განიხილავს.

დადებითი პასუხის შემთხვევაში ჩაბუქი საქართველოში დარჩება. სამინისტროში აცხადებენ, რომ პასუხი, შესაძლოა, 7 ივლისს გამოცხადდეს.