საქართველოს მთავარი პროკურატურა ხვალ პროკურორთა საერთაშორისო კონფერენციას უმასპინძლებს.

პროკურორთა საერთაშორისო ასოციაციის აღმოსავლეთ ევროპისა და ცენტრალური აზიის მერვე რეგიონული კონფერენციის ფარგლებში საქართველოს 25 ქვეყნის გენერალური პროკურორები, მოადგილეები და სხვადასხვა რანგის თანამშრომლები ეწვევიან.

ორდღიან კონფერენციას პროკურორთა საერთაშორისო ასოციაციის პრეზიდენტი გერნარდ იაროში და საქართველოს მთავარი პროკურორი ირაკლი შოთაძე გახსნიან.

ღონისძიების მონაწილეები დანაშაულებრივი გზით მოპოვებული ქონების დაბრუნებისა და კიბერდანაშაულთან დაკავშირებულ საკითხებზე იმსჯელებენ.

პროკურორთა საერთაშორისო ასოციაცია ერთადერთ საერთაშორისო ორგანიზაციაა, რომელიც 171 ქვეყნის 172 საპროკურორო უწყებას და 300 ინდივიდუალურ წევრს აერთიანებს.

ორგანიზაციის სახელით რეგიონული კონფერენციები მსოფლიოს 6 რეგიონში პერიოდულად იმართება.

ღონისძიებას საქართველო წელს პირველად მასპინძლობს.