რამაზან ბაირამს აღნიშნავენ აჭარაში. ბათუმში პირველად სადღესასწაულო ლოცვა ორ ადგილას შესრულდა. მრევლი ორთა ჯამესა და ახალ სალოცავში შეიკრიბა.
ხალხმრავლობა იყო ახალ მეჩეთში, სადაც მრევლმა ქალაქის მერიის აკრძალვის მიუხედავად ხის კონსტრუქცია საკუთარი ხარჯებით ააშენა. ისინი ახალი მეჩეთის აშენების აუცილებლობაზე საუბრობენ და ამბობენ, რომ სამართლებრივ ბრძოლას გააგრძელებენ.
ტრადიციულად ძველ მეჩეთში მივიდნენ და შეკრებილებს დღესასწაული მიულოცეს ადგილობრივი მთავრობის წარმომადაგებმა.
ბათუმის ორთა ჯამემ მორწმუნეები ვერ დაიტია, ამიტომ მრევლმა ლოცვა ღია ცის ქვეშ შეასრულა. აშენდება თუ არა ქალაქში ახალი მეჩეთი, აჭარის მთავრობის თავჯდომარემ კითხვაზე პასუხს თავი აარიდა. საქართველოს მუფთი კი იმედოვნებს, რომ ქვაფენილზე ლოცვას ბოლო მოეღება.