ბოლნისში საბაობას აღნიშნავენ.
სახალხო დღესასწაულს სულხან-საბა ორბელიანის მშობლიური სოფელი, ტანძია მასპინძლობს.
როგორც ორგანიზატორები აცხადებენ, ღონისძიებაში მუნციპალიტეტის თითქმის ყველა შემოქმედებითი გაერთიანებაა ჩართული.
აქტივობები დილის 11:00 საათიდან დაიწყო და საღამომდე გაგრძელდება. სცენაზე გაცოცხლდება საბას ეპოქა და მისი კვალი, რომლის რეჟისორიც ლაშა ნოზაძეა, წარმოდგენაში კი ბოლნისის მუნიციპალური თეატრის მსახიობები მონაწილეობენ.
დღესასწაულს ადგილობრივ მოსახლეობასთან და ხელისუფლებასთან ერთად მოწვეული სტუმრები ესწრებიან.მათ შორის, მხარის გუბერნატორი გრიგოლ ნემსაძე.
ღონისძიება ბოლნისის მუნიციპალიტეტის ფინანსური მხარდაჭერითა და მუნიციპალიტეტის კულტურის, საკლუბო საბიბლიოთეკო გაერთიანების ორგანიზებით იმართება.