15 აგვისტოს,"ბლექ სი არენა"-ზე ირაკლი ჩარკვიანის საღამო "ირაკლი ჩარკვიანი - ისტორია" გაიმართება. საღამოზე მუსიკოსის ყველაზე პოპულარული სიმღერები შესრულდება.

კონცერტში მონაწილეობას მიიღებენ საქართველოს ეროვნული სიმფონიური ორკესტრი ნიკოლოზ რაჭველის ხელმძღვანელობით, სტეფანე, ნინა სუბლატი, ლევან მასპინძელაშვილი, მარიკო ლეჟავა, მაია დარსმელიძე, თიკა ბალანჩინი & NEW ONE BAND, SOFT EJECT, GREEN ROOM, რობი კუხიანიძე & OUTSIDER, LoudSpeakers და EKO & VINDA FOLIO.

კონცერტის მსვლელობისას სცენაზე დამონტაჟებულ ეკრანზე წარმოდგენილი იქნება მუსიკოსის უცნობი ფოტოებისა და ვიდეო მასალისგან შექმნილი ინსტალაციები. საღამოს გელა ჩარკვიანი წაიყვანს. კონცერტი პროექტის Сheck in Georgia-ს ფარგლებში იმართება.

ბილეთების ონლაინ შეძენა შესაძლებელი იქნება 23 ივნისიდან biletebi.ge-ზე, ხოლო მოგვიანებით, დაიწყება ბილეთების ფიზიკური სახით გაყიდვა - თბილისში, ბათუმში, ქუთაისსა და ქობულეთში, რის შესახებაც დეტალური ინფორმაცია, წინასწარ გახდება ცნობილი.

ბილეთის ფასი10-დან 60 ლარამდე იქნება.