„ქორთიარდ მერიოტში“ საპარტნიორო ფონდისა და „საქართველოს დამოუკიდებელ შემფასებელთა საზოგადოების“ ორგანიზებული მეორე სამეცნიერო-პრაქტიკული საერთაშორისო საშემფასებლო კონფერენცია მიმდინარეობს.
შეფასების საერთაშორისო პრაქტიკული კონფერენციის მონაწილეებს სიტყვით საპარტნიორო ფონდის აღმასრულებელმა დირექტორმა დავით საგანელიძემ მიმართა.
კონფერენციაზე დისკუსია შეფასების პრაქტიკულ საკითხებზე, საშემფასებლო სტანდარტებსა და საშემფასებლო საქმიანობის რეგულირებასთან დაკავშირებით შედგა.
კონფერენციაზე განიხილება შეფასების საერთაშორისო პრაქტიკა სასოფლო-სამეურნეო მიწების, კულტურული მემკვიდრეობის ობიექტების, ასევე უძრავი ქონების შეფასების შესახებ.
როგორც საპარტნიორო ფონდის აღმასრულებელმა დირექტორმა დავით საგანელიძემ აღნიშნა, მთავრობამ მიიღო გადაწყვეტილება წლის ბოლომდე მიღებულ იქნას კანონი საშემფასებლო საქმიანობის შესახებ, შესაბამისად, მისი განმარტებით, ეს კონფერენცია წაადგება ამ კანონზე მუშაობას. მან იმედი გამოთქვა, რომ ქართული კანონმდებლობა ამ მიმართულებით სინქრონიზირებული იქნება ევროპული ქვეყნების შესაბამის კანონთან.
კონფერენციის მუშაობაში მონაწილეობას შემფასებელთა საერთაშორისო ორგანიზაციის 12-ზე მეტი ქვეყნის 150-მდე დელეგატი მონაწილეობს. კონფერენცია ორ დღიანია და ის ხვალ დასრულდება.