მოსმენების კანონის განხილვა საკონსტიტუციო სასამართლოში. პროცესი ერთი საათის წინ განახლდა. მოსამართლეებმა უკვე მოისმინეს მოსარჩელეთა არგუმენტები.

პარლამენტის წარმომადგენლები კატეგორიულად არ ეთანხმებიან პოზიციას, რომ ოპერატიულ-ტექნიკური სააგენტო, რომელიც ამჟამად ე.წ მოსმენების გასაღებს ფლობს, სახელმწიფო უსაფრთხოების სამსახურის დაქვემდებარებაშია.

მათი მტკიცებით, კანონმდებლებმა სააგენტოს დამოუკიდებლობის გარანტიები ახალ კანონში სრულად გაითვალისწინეს. მოსმენების კანონთან დაკავშირებულ სარჩელებზე საკონსტიტუციო სასამართლოს პლენუმი უკვე მსჯელობს.