ივნისი 16, 2017
რა ვიდეომასალა აქვს გამოძიებას აფგან მუხტარლის საქმეში.
აზერბაიჯანელი ჟურნალისტის ადვოკატი არჩილ ჩოფიკაშვილი პოლიციის სამმართველოში იმ მტკიცებულებებს გაეცნო, სადაც, მისი თქმით, ჩანს ბარათაშვილის ქუჩაზე მყოფი აფგან მუხთარლი, რომელიც #4 სამარშრუტო ტაქსიში ჯდება.
ადვოკატის განცხადებით, ვიდეომასალა ჟურნალისტის ნაამბობს ადასტურებს, თუმცა არ ფიქსირდება, რა დროს და სად ჩამოვიდა ის ტრანსპორტიდან.
ადვოკატის ინფორმაციით, გამოძიებამ მხოლოდ ყოფილი კოლმეურნეობის მოედნის ტერიტორიაზე განთავსებული კამერების ჩანაწერები ამოიღო, სხვა ვიდეომასალა კი საქმეში არ არსებობს.
"საზოგადოებრივი" კომენტარისთვის შსს-ს დაუკავშირდა, თუმცა უწყებაში განმარტებას ამ დრომდე არ აკეთებენ.
მაჩვენე მეტი