მოფარიკავე სანდრო ბაზაძე ევროპის ჩემპიონატის მეოთხედფინალშია. თბილისში მიმდინარე კონტინენტის პირველობაზე ქართველმა მოფარიკავემ მერვედფინალურ შეხვედრაში ლუიჯი სამელე დაამარცხა. ბაზაძემ იტალიელ მეტოქეს 15:14 სძლია.

სანდრო ბაზაძე მეოთხედფინალში უნგრელ შანად გემეშს შეხვდება, რომელმაც გერმანელი ბიორნ ჰუბნერი 15:6 დაამარცხა.

ევროპის ჩემპიონატს, მერვედფინალური ეტაპიდან გამოეთიშა ბექა ბაზაძე, რომელიც იტალიელ ლუკა კურატოლისთან 15:4 დამარცხდა. შეგახსენებთ, რომ ევროპის ჩემპიონატი ფარიკაობაში თბილისში 17 ივნისამდე გაგრძელდება.