ყველასთვის თანაბრად ხელმისაწვდომი სერვისები და მაქსიმალურად ადაპტირებული გარემო - იუსტიციის სამინისტრო შშმ პირებისთვის საკუთარ სივრცეს და მომსახურებას უფრო ხელმისაწვდომს ხდის.
შეზღუდული შესაძლებლობის მქონე პირთა საერთაშორისო დღესთან დაკავშირებით, იუსტიციის მინისტმა იუსტიციის სახლში უსინათლო პირებისთვის სპეციალურად მოწყობილი გარემო დაათვალიერა და სადემონსტრაციო სივრცეში სერვისის პრეზენტაცია გამართა.
შშმ პირებისთვის ხელმისაწვდომია იუსტიციის ვებგვერდი და ონლაინსერვისებიც. უსინათლო და მცირემხედველობის ადამიანებისთვის განკუთვნილია ვებგვერდის ადაპტირებული ვერსია სამი ფუნქციით: ხმოვანი, კონტრასტული და ზრდადი.
სერვისების დამოუკიდებლად მიღება მალე სმენადაქვეითებული და ყრუ მოქალაქეებისთვისაც იქნება შესაძლებელი.
თეა წულუკიანის განცხადებით, მსგავსი პროექტების განხორციელება საქართველოს სხვა ქალაქებშიც იგეგმება