რაგბიში 20 წლამდე მსოფლიოს ჩემპიონატის პლეიოფის მატჩები დღეს მიხეილ მესხის სახელობის სტადიონსა და ავჭალის სტადიონზე ჩატარდება.
საქართველოს ნაკრები ტურნირის მე-9 ადგილისთვის ბრძოლას აგრძელებს, სადაც არგენტინის ნაკრებს დაუპირისპირდება. ამ პოზიციისთვის კი მეორე ნახევარფინალური შეხვედრა ირლანდიასა და სამოას შორის ჩატარდება.
საქართველოსა და არგენტინის დაპირისპირება დღეს მიხეილ მესხის სახელობის სტადიონზე 15 საათსა და 30 წუთზე გაიმართება.
ფინალში გასასვლელად ინგლისი სამხრეთ აფრიკას დაუპირისპირდება, მეორე ნახევარფინალური წყვილი საფრანგეთსა და ახალ ზელანდიას შორის გაიმართება. მეხუთე ადგილისთვის მატჩი იტალიასა და ავსტრალიას შორის შედგება. აღნიშნულ წყვილში გამარჯვებული გუნდი კი შოტლანდია უელისს შორის გამარჯვებულ გუნდს დაუპირისპირდება.
მსოფლისო ჩემპიონატის პლეიოფის ყველა მატჩის პირდაპირ ტრანსლაციას საზოგადოებრივი მაუწყებლის პირველი და მეორე არხი შემოგთავაზებთ.