მედიის წარმომადგენლების პროტესტი საქართველოდან გაუჩინარებული და აზერბაიჯანში დაკავებული ჟურნალისტის საქმეზე.
სხვადასხვა მედიასაშუალების წარმომადგენლებმა დღეს ამერიკის ელჩთან შეხვედრა გამართეს და იან კელის აფგან მუხთარლის საქმესთან დაკავშირებული ის გარემოებები გააცნეს, რომლებიც, მათივე თქმით, საეჭვოა.
მანამდე ჟურნალისტები პარლამენტის ადამიანის უფლებათა დაცვის კომიტეტში იმყოფებოდნენ, სადაც მუხთარლის დაკავება პერფორმანსით გააპროტესტეს.
მედიის წარმომადგენლებმა თავზე ცელოფნები ჩამოიცვეს და პლაკატები გამოფინეს წარწერით - თავისუფლება აფგან მუხთარლის.
ჟურნალისტების მტკიცებით, აზერბაიჯანელი კოლეგა საქართველოდან გატაცებულია. მათ დღეს სოლიდარობა ოპოზიციონერმა დეპუტატებმაც გამოუცხადეს, რასაც დარბაზში კამათი მოჰყვა.