საპარლამენტო უმრავლესობის დეპუტატი ჯანდაცვის მინისტრის მიერ დაანონსებულ ინიციატივას აკრიტიკებს.

კახა ოქრიაშვილი იმ კანონპროექტითაა უკმაყოფილო, რომლის მიხედვით, ფარმაცევტულ კომპანიებს არაპროფილური ბიზნესის მართვის უფლება აღარ ექნებათ. საუბარია სადაზღვევო კომპანიების და კლინიკების ფლობაზე, რაც ბოლო წლებია ქართულ ფარმაცევტულ ბაზარზე დამკვიდრებული პრაქტიკაა.

ცვლილებების მოტივად ევროკავშირის წინაშე არსებული ვალდებულება სახელდება. არგუმენტი გაუგებარია პარლამენტში ფარმაცევტული ბიზნესიდან მისული ოქრიაშვილისთვის, რომლის დღევანდელი მწვავე გამოსვლის ადრესატი პირადად დავით სერგეენკო იყო.