სვანეთში „მესტიაჭალა1“ და „მესტიაჭალა 2“ ჰიდროელექტროსადგურების მშენებლობის დაწყების ოფიციალურ ცერემონია გაიმართა.

ჰესების ჯამური დადგმული სიმძლავრე 50 მგვტ იქნება, ხოლო პროექტის საინვესტიციო ღირებულება 65 მლნ აშშ დოლარია.

ჰესების მშენებლობას სს „სვანეთი ჰიდრო“ განახორციელებს. ენერგეტიკის სამინისტროს ინფორმაციით, მშენებლობა განხორციელდება დარგში არსებული თანამედროვე ტექნიკური მიღწევების სრული გამოყენებით, კაშხლის მოწყობისა და მდინარის დაგუბების გარეშე, სადაწნეო მილსადენის პრინციპით, რაც გამორიცხავს პროექტის ზეგავლენას გარემო პირობებზე.