თბილისის მერობისთვის მმართველი გუნდიდან, დიდი ალბათობით, კახა კალაძე იბრძოლებს. ქართული ოცნების ლიდერები ადასტურებენ, რომ ენერგეტიკის მინისტრის გარდა სხვა კანდიდატურა არ განიხილება. უახლოეს დღეებში პარტიის პოლიტსაბჭოს სხდომა უნდა გაიმართოს, რის შემდეგაც კანდიდატის ოფიციალური წარდგენა იგეგმება.

საბოლოო გადაწყვეტილებამდე საპარლამენტო უმრავლესობის და მთავრობის წევრები ვიცე-პრემიერის მიმართ დადებით განწყობებს აფიქსირებენ. დედაქალაქის მთავრობის მეთაურობის სავარაუდო კანდიდატს აფასებს მოქმედი მერიც, რომელიც საკუთარ მომავალ საქმიანობაზე საინტერესო გადაწყვეტილებებს აანონსებს.

მზადება მორიგი წინასაარჩევნო კამპანიისთვის: თბილისის ახალ მერს ოქტომბერში ირჩევს.