მონტენეგრო დღეს ჩრდილოატლანტიკური ალიანსის რიგით 29-ე წევრი გახდება. გაწევრიანების ოფიციალური ცერემონია ვაშინგტონში გაიმართება. ორი დღის შემდეგ კი მონტენეგროს დროშა ბრიუსელში, ნატო-ს ახალი შტაბ-ბინის თავზე აღიმართება.

2015 წლის 2 დეკემბერს ალიანსმა მონტენეგრო მის რიგებში გასაწევრიანებლად დიალოგის დასაწყებად მიიწვია, 2016 წლის 19 მაისს კი ალიანსში გაწევრიანების პროტოკოლს მოეწერა ხელი, რის შემდეგაც უკვე ქვეყანამ ნატო-ს სხდომებზე დამკვირვებლის სტატუსით დასწრების უფლება მიიღო.

მიმდინარე წლის 25 მაისს, ბრიუსელში გამართულ ნატო-ს სამიტზე მონტენეგრომ პირველად მიიღო მონაწილეობა. სამიტს პრემიერ-მინისტრი დუშკო მარკოვიჩი ესწრებოდა.

წყარო: WSJ