ისრაელის წამყვანი მედიასაშუალებების წარმომადგენლები, საქართველოს ტურისტულ მიმართულებას გაეცნენ. 5-დღიანი ტურის ფარგლებში, მაღალრეიტინგული ტელეკომპანიების, რადიოს, ჟურნალ-გაზეთებისა და ინტერნეტპორტალის წარმომადგენლებმა მცხეთა, გუდაური, ყაზბეგი, ქუთაისი, პრომეთეს მღვიმე და გორი მოინახულეს.

ჟურნალისტთა ჯგუფმა ასევე თბილისის სინაგოგა და ეთნოგრაფიული მუზეუმი დაათვალიერა. ისრაელის მედიის წარმომადგენლებს, ძველ თბილისში, ტურიზმის ეროვნული ადმინისტრაციის ხელმძღვანელი შეხვდა და მათ ადმინისტრაციის მიერ მომზადებული თემატური ბროშურები გადასცა.