მიხეილ ჯანელიძემ იაპონიაში ვიზიტის ფარგლებში, საგარეო ვაჭრობის ორგანიზაციას ეწვია და ორი ქვეყნის ეკონომიკური თანამშრომლობის შესაძლებლობებზე სემინარი გამართა.

შეხვედრას 50-ზე მეტი იაპონური კომპანიის წარმომადგენლები ესწრებოდნენ. ისაუბრეს საქართველოს საინვესტიციო შესაძლებლობებზე. ხაზი გაესვა საერთაშორისო რეიტინგებში საქართველოს მოწინავე პოზიციას და სანდოობას.

საგარეო საქმეთა მინისტრმა მადლობა გადაუხადა ფორუმის ორგანიზატორებს და იმედი გამოთქვა, რომ აღნიშნული შეხვედრა ორ ქვეყანას შორის სტრატეგიული ეკონომიკური კავშირების გასაღრმავებლად, მნიშვნელოვან საფუძველს შექმნის.