საქართველოს პრემიერმინისტრმა იტალიას ეროვნული დღესასწაული მიულოცა.

ჩვენს ქვეყნებს აკავშირებთ პარტნიორობა, რომელიც საერთო ინტერესებსა და ფუნდამენტურ ღირებულებებს ეფუძნება,- განაცხდა პრემიერმა კვირიკაშვილმა საზეიმო ღონისძიებაზე სიტყვით გამოსვლისას.

მთავრობის მეთაურმა საქართველოს მეგობარ ქვეყანას ეროვნული დღესასწაული, რესპუბლიკის დაარსების 71-ე წლისთავი მიულოცა.

გიორგი კვირიკაშვილმა საქართველო-იტალიის ღრმა კულტურულ კავშირებზე ისაუბრა და აღნიშნა, რომ ის შუა საუკუნეებიდან იღებს სათავეს. შესაბამისად, პრემიერის თქმით, სრულიად ბუნებრივია, რომ პირველი ქართულენოვანი ბეჭდური წიგნი - იტალიურ-ქართული ლექსიკონი 1629 წელს სწორედ რომში გამოიცა.

პრემირმინისტრმა საქართველო-იტალიის დიპლომატიური ურთიერთობების 25-წლიანი ისტორიის შესახებ ისაუბრა და განაცხადა, რომ ამ წლების განმავლობაში იტალია საქართველოს ერთგული მეგობარი და პარტნიორი იყო.