საქართველოს პრეზიდენტი ლაშა თორდიასა და ოთარ ფარცხალაძეს შორის მომხდარი ინციდენტის გამოძიების ტემპით უკმაყოფილოა.

გიორგი მარგველაშვილის განცხადებით, პროცესის გაჭიანურება ქვეყნის იმიჯზე მკვეთრად უარყოფითად აისახება, ამიტომ ყველა კითხვას პასუხი რაც შეიძლება სწრაფად უნდა გაეცეს.

საქართველოს პრეზიდენტმა ეს განცხადება სახელმწიფო აუდიტის სამსახურში სტუმრობისას გააკეთა.

მარგველაშვილმა ადმინისტრაციის უფროსთან ერთად შეხვედრა მთავარ აუდიტთან დახურულ კარს მიღმა გამართა, შემდეგ კი გაფართოებული ღია შეხვედრა აუდიტის სამსახურის თანამშრომელთა თანდასწრებით გაიმართა.