ზურაბ ბუჩუკური პატრიარქის პირადი დაცვის უფროსის თანამდებობიდან გაათავისუფლეს. ინფორმაციას სახელმწიფო დაცვის სპეციალური სამსახურის უფროსი ანზორ ჩუბინიძე ადასტურებს. მისი განმარტებით, აღნიშნული გადაწყვეტილება როტაციას უკავშირდება და ბუჩუკური სახელმწიფო დაცვის სპეციალური სამსახურის რიგებში მუშაობას აგრძელებს.

ვინ იქნება უწმინდესის უსაფრთხოების სამსახურის უფროსი ჯერ არ არის ცნობილი. ჩუბინიძის თქმით, საუბარი რამდენიმე კანდიდატურაზეა და საბოლოო გადაწყვეტილება უწმინდესმა უნდა მიიღოს.