საფრანგეთში, პარიზში ორი ახალგაზრდა მამაკაცი დააკავეს, - ამის შესახებ ინფორმაციას უცხოური მედია ავრცელებს.

როგორც ფრანგულენოვანი Huffingtonpost-ი წერს, ინციდენტთან დაკავშირებით მედიაში სხვადასხვა ინფორმაცია გავრცელდა. ერთ-ერთი ვერსიით, სამი ახალგაზრდა მამაკაცი ავტობუსის აფეთქებით იმუქრებოდა.

როგორც Huffingtonpost-ს ადგილობრივი პოლიციის წარმომადგენელმა განუცხადა, დააკავეს ორი ახალგაზრდა, რომლებიც არ დაემორჩილნენ პოლიციის ბრძანებას.

თავდაპირველად, გავრცელდა ინფორმაცია, რომ საფრანგეთის პოლიცია პარიზში სპეცოპერაციას ატარებდა.

RT-ის ცნობით, სამი ახალგაზრდა მამაკაცი ავტობუსის აფეთქებით იმუქრებოდა.

გარდა ამისა, უცხოური მედიასაშუალებები წერდნენ, რომ ავტობუსში საეჭვო ჩანთა აღმოაჩინეს.