. ქვეყნისთვის უმნიშვნელოვანესი დღესასწაული 1918 წლიდან იღებს სათავეს.
ეროვნული საბჭოს დადგენილებით, 1918 წლის 26 მაისს საქართველო დამოუკიდებელ რესპუბლიკად გამოცხადდა.
. წელს საქართველოს დამოუკიდებლობის დღეს დამატებითი თემატური დატვირთვა მიეცა. ჩვენი ქვეყნისთვის უმნიშვნელოვანეს თარიღთან ერთად საზოგადოება შოთა რუსთაველის 850 წლის იუბილეს აღნიშნავს.
. დღეს საზოგადოებრივი მაუწყებელი საგანგებო რეჟიმში იმუშავებს.
. ქვეყნის დამოუკიდებლობის დღის აღნიშვნა წვევამდელთა ფიცის დადების ცერემონიით დაიწყება.
. დამოუკიდებლობის დღის აღსანიშნავად ღონისძიებები რეგიონებშიც გაიმართება. გარემოსა და ბუნებრივი რესურსების დაცვის სამინისტრო სტუმრებს ზუგდიდში სპეციალურად მოწყობილ სივრცეში უმასპინძლებს, სადაც ხელოვნურ მწვანე საფარზე სამინისტროს სტრუქტურული ერთეულებისა და საქვეუწყებო დაწესებულებების საქმიანობის ამსახველი სტენდები განლაგდება.
. შინაგან საქმეთა სამინისტრო დამოუკიდებლობის დღეს თელავში აღნიშნავს.
. დღეს მერაბ კოსტავას დაბადების დღეა.
. მდუმარე აქცია გაიმართა პარლამენტის შენობასთან 2011 წლის 26 მაისს განვითარებულ მოვლენებთან დაკავშირებით.
. დღეიდან საქართველოს დედაქალაქი ჩრდილო ატლანტიკური ალიანსის საპარლამენტო ასამბლეას მასპინძლობს.
. 29 მაისს ნატოს საპარლამენტო ასამბლეის პლენარული სხდომა გაიმართება.
. შეერთებული შტატების პრეზიდენტმა ნატოს სამიტის შემდეგ პრესკონფერენციაზე ალიანსის წევრები იმის გამო გააკრტიკა, რომ ისინი არ ხარჯავენ საკმარის თანხების თავდაცვაზე, რაც მთლიანი შიდა პროდუქტის ორ პროცენტს უნდა შეადგენდეს.
. ათენში საბერძნეთის ყოფილი პრემიერმინისტრის ლუკას პაპადემოსის მანქანა აფეთქდა.
. ივერიის ღვთისმშობლის ხატი “დედოფალი - სიხარულის მომნიჭებელი” დასავლეთ საქართველოში ხობის ახლადაშენებულ საეკლესიო კომპლექსში დაბრძანდება.
. 26 მაისის ღონისძიებებს ბევრი უცხოელი ტურისტი დაესწრება, რომლებსაც საშუალება ექნებათ მომდევნო დღეებშიც ისარგებლონ განსაკუთრებული შეთავაზებებით.
. 26 მაისის ღონისძიებებს საზოგადოებრივი მაუწყებელი დღეს სრულ საეთერო დროს დაუთმობს.