საქართველოს იუსტიციის მინისტრი თეა წულუკიანი რუსთაველის გამზირზე საზოგადოებრივი მაუწყებლის პავილიონში იმყოფებოდა და მაუწყებლის პროექტში - "ჩვენ ვკითხულობთ ვეფხისტყაოსანს" მიიღო მონაწილეობა.
თეა წულუკიანმა შოთა რუსთაველის პოემიდან ერთი სტროფი წაიკითხა.
როგორც წულუკიანმა აღნიშნა, მისასალემებლია, რომ მაუწყებელმა ასეთი პროექტი წამოიწყო და 26 მაისისთვის პავილონი რუსთაველის გამზირზე მოაწყო.
"ძალიან მომწონს საზოგადოებრივი მაუწყებლის ეს ინიციატივა. წინადადება და თხოვნაც მექნება, თუ გაითვალისწინებთ - ვფიქრობ, კარგი იქნება, არა მხოლოდ 26 მაისს, არამედ ხშირად მოეწყოს ასეთი გარე სტუდიები. საზოგადოებამ უნდა იცოდეს და დააფასოს საზოგადოებრივი მაუწყებლის თითოეული თანამშრომლის, ჟურნალისტების, ოპერატორების, პროდიუსერების და მენეჯმენტის შრომა. ისინი ცდილობენ, საზოგადოებისთვის იმუშაონ. მადლობა და გილოცავთ, ძალიან კარგი დღე გამოვიდა. რაც შეეხება პროექტს, "ჩვენ ვკითხულობთ ვეფხისტყაოსაონს", მე წავიკითხე ერთი სტროფი, მაგრამ ნამდვილად ვერ შევეჯიბრები მათ, ვინც ჩვენი საგანძური ზეპირად იცის",- განუცხადა წულუკიანმა "მოამბის" ჟურნალისტს.