თურქეთში მოკლული 34 წლის ქართველი ქალის ცხედარი სარფიდან გუშინ გვიან ღამით ზესტაფონში, საკუთარ სახლში გადაასვენეს.

ცნობილია, რომ ქალბატონი 10 წლის განმავლობაში თურქეთში მუშაობდა. მედიის ინფორმაციით, ფაცა ურდუს უბანში, ათათურქის ქუჩაზე 34 წლის ელენე გოკაძე ამავე ქუჩაზე მცხოვრებმა თურქეთის მოქალაქემ გაიტაცა და რამდენიმე საათის განმავლობაში აწამებდა.

გარდაცვლილის მეზობლებს მკვლელობის მოტივის შესახებ ინფორმაცია არ აქვთ.

მომხდარს თურქეთის სამართალდამცველები იძიებენ.