ლონდონის ტერაქტიდან ორი თვის შემდეგ ინგლისი ისევ ტერორისტების სამიზნეა. ბოლო მონაცემებით, მანჩესტერის არენაზე მომხდარ ტერორისტულ აქტს 22 ადამიანის სიცოცხლე ემსხვერპლა, არიან დაშავებულები.
თვითნაკეთი ასაფეთქებელი მოწყობილობა ახალგაზრდებით სავსე შენობის გასასვლელში ამერიკელი მომღერლის კონცერტის დასრულებისთანავე ამოქმედდა.
აფეთქების მიღმა ისევ ე.წ. ისლამური სახელმწიფო დგას. თვითმხილველების კომენტარებიდან გამომდინარე, ჩნდება კითხვა, რამდენად დაცული იყო არენაზე უსაფრთხოების ზომები.
სამართალდამცავები ახლა ტერაქტთან შესაძლო კავშირში მყოფ პირებს ეძებენ. გაერთიანებული სამეფოს ისტორიაში ეს არის ერთ-ერთი ყველაზე მასშტაბური და შემზარავი ტერორისტული თავდასხმა 2005 წლის 7 ივლისს ლონდონში ერთდროულად მომხდარი ოთხი აფეთქების შემდეგ.
თამთა რუხაძე დეტალებით.