გადაჭარბებული ხმაური დასჯადი ხდება. ახალი კანონი, სავარაუდოდ, ივლისიდან შევა ძალაში. კანონმდებლობის გამკაცრების მიზეზი ასეულობით მოქალაქის მიერ მომზადებული საჩივრებია.

თუ სტატისტიკას გადავხედავთ, ღამის საათებში პატრულის გამოძახების შემთხვევები თითქმის ყოველდღიურად ფიქსირდება. თუმცა რეაგირება მხოლოდ ოქმის გამოწერით შემოიფარგლება.

კანონში შესული ცვლილებებით კი, სანქციები დაწესდება. ხმაურის დასაშვებ ზღვარს პირველ ეტაპზე პატრული, შემდეგ კი სპეციალურად შექმნილი ადგილობრივი ორგანოები გააკონტროლებენ.